Pekinda havoning ifloslanish darajasi xavfsiz ko‘rsatkichlardan keskin oshib ketdi

Pekin shahrida havoning PM2.5 zararli zarralari bilan ifloslanish darajasi keskin ravishda xavfsiz ko‘rsatkichdan oshib ketdi. Bu haqda, XXR atrof muhit muhofazasi vazirligiga asoslanib, “RIA Novosti” xabar bermoqda.

Aytilishicha, zararli zarralarning havodagi konsentratsiyasi Xalqaro sog‘liqni saqlash tashkiloti belgilagan xavfsiz ko‘rsatkichdan 21 barobarga oshib ketgan.

2,5 mikronli ushbu zarralar havoda tuman effektini hosil qilib, inson o‘pkasida chuqur o‘rnashib qolishi mumkin. Ular shahar havosidan nafas oluvchilar uchun asosiy xavfni tashkil qiladi. Xalqaro sog‘liqni saqlash tashkiloti tomonidan tavsiya qilingan xavfsiz ko‘rsatkich bir metr kubga 25 mikrogrammni tashkil qiladi.