Janubiy Koreya Seul tomonidan nazorat qilinadigan Tokto orollariga da’vogarlik qilingan diplomatiya bo‘yicha “Ko‘k kitob” chop etilishi munosabati bilan Yaponiyaga norozilik bildirdi. Bu haqda mamlakat tashqi ishlar vazirligi bayonotida ma’lum qilindi, deya xabar beradi “TASS”.
“Janubiy Koreya hukumati Yaponiyaning Tokto orollariga adolatsiz da’vogarligiga qarshi keskin norozilik bildiradi. Mazkur orollar tarixan va xalqaro qonunchilikka muvofiq Janubiy Koreyaning bir qismi hisoblanadi”, — deyiladi bayonotda.
TIV Tokioga “Tokto orollariga da’vodan zudlik bilan voz kechish va tarixni haqqoniy anglab yetish Janubiy Koreya — Yaponiya munosabatlari ijobiy rivojining boshlang‘ich nuqtasi va majburiy sharti ekanligini nazarda tutish”ni tavsiya qilgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)