Ayrim haydovchilar chorrahalarga o‘rnatilgan kuzatuv kameralariga qoidabuzarlik bilan tushib qolishdan qochish maqsadida davlat raqam belgilariga turlicha ishlov bermoqda. Bu haqda 13-aprel, payshanba kuni Toshkent shahar IIBBda bo‘lib o‘tgan brifingda ma’lum qilindi.
Masalan, davlat raqam belgisining tusi va rangini oq bo‘yoq bilan o‘zgartirish va xiralashtirish, uning ustiga oq nim yoki plyonka qoplama yopishtirish, standartlarga javob bermaydigan davlat raqamini taqib yurish holatlari shular jumlasidandir.
“Bu nafaqat qoidabuzarlikdan qutilib qolishiga, balki ichki ishlar xodimlarini chalg‘itib, boshqa shaxsga nisbatan jarima solishga va o‘z navbatida fuqarolarda norozilik kayfiyatini uyg‘otishga sabab bo‘ladi”, — deydi Toshkent shahar IIBB vakillari.
Bugungi kunda 7 ta shunday holat aniqlanib, qonun buzgan fuqarolarga nisbatan tegishli ma’muriy ta’sir choralari ko‘rilgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)