AQSh Davlat kotibi: Xitoy ham KXDR uning manfaatlariga tahdid solayotganini tushunmoqda

Xitoy hukumati KXDRning raketa va yadro dasturlari xitoyliklar manfaatlariga ham tahdid solayotganini tushunib yetmoqda, deb qayd etdi AQSh Davlat kotibi Reks Tillerson. Bu haqda “TASS” xabar bermoqda.

“Biz xitoyliklar bilan KXDR rahbariyati ishlarini o‘zgartirish maqsadida birga ishlay olamiz, degan umiddaman. Bu safar muzokaralar foyda berishi mumkin”,  — dedi amerikalik diplomat.

Tillerson so‘zlariga ko‘ra, XXR raisi Si Szinpin Shimoliy Koreyadagi vaziyat keskinlashgani va ma’lum darajadagi xavfga aylanganini aniq tushunmoqda va shu bois ma’lum choralar ko‘rish fikriga qo‘shilmoqda.

Davlat kotibi Donald Tramp Si Szinpin bilan Shimoliy Koreyadagi xavfli vaziyat borasida keng mulohazali muzokaralar olib borganini ta’kidladi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!