Isroil prezidenti Reuven Rivlin O‘zbekiston Prezidenti Shavkat Mirziyoyevni Isroilga taklif qildi. Bu haqda, TIV axborotiga ko‘ra, Rivlinning O‘zbekiston va Isroil o‘rtasida diplomatik munosabatlar o‘rnatilganining 25 yilligi munosabati bilan yo‘llagan qutlovida so‘z boradi.
“Reuven Rivlin O‘zbekiston Prezidentini ‘ikki tomonni ham tashvishga soladigan va qiziqtirgan masalalarni muhokama qilish hamda mamlakatlarimiz o‘rtasidagi yaxshi munosabatlar va hamkorlikni yanada mustahkamlash’ uchun Isroilga davlat tashrifi bilan kelishga taklif etdi”, — deyiladi TIV axborotida.Avvalroq O‘zbekiston Prezidenti Shavkat Mirziyoyev may oyida davlat tashrifi bilan Xitoyga borishi haqida xabar berilgan edi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)