Dengizdagi dovul kema kayutasidan qanday ko‘rinadi? (video)

Royal Caribbean kruiz kemasi Atlantika okeanida dovulga duch keldi, shu sababli portga qaytishga majbur bo‘ldi, deb yozadi TJournal.

Kema yo‘lovchisi Stiven Berk esa uchinchi paluba illyuminatoridan olingan videoni e’lon qildi — unda kemaga urilayotgan, balandligi to‘qqiz metr bo‘lgan to‘lqinlarni ko‘rish mumkin.

NBC 6 telekanalining xabar berishicha, dovul sabab kemaning tashqi bezagiga biroz zarar yetdi, shuningdek, palubalardan birining shifti tushib ketdi, biroq kema portiga eson-omon qaytishga muvaffaq bo‘ldi.

To‘lqinlar kemadagi mebel va buyumlarni uyoqdan buyoqqa uloqtirgani sabab, to‘rt kishi turli darajada tan jarohati olgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!