O‘zbekiston Oliy Majlisi Senati a’zolari va Qonunchilik palatasi deputatlari Samarqand viloyati Ishtixon tumanida aholi turmush tarzi bilan tanishmoqda, deb xabar beradi O‘zA.
Tuman faollari, tadbirkorlar, fuqarolar yig‘inlari raislari bilan uchrashuvda Oliy Majlis Senati raisi Nig‘matilla Yo‘ldoshev Xalq bilan muloqot va inson manfaatlari yilining mohiyati haqida so‘z yuritdi.
Uchrashuvda kichik biznes va xususiy tadbirkorlik subyektlari, fermerlar o‘z faoliyatini kengaytirish, yer ajratish, kredit olish va boshqa masalalar yuzasidan Senat raisi va viloyat tashkilotlari rahbarlariga murojaat qilib, savollariga javob oldi.
Tadbirlar doirasida Oliy Majlis Senatining mahalliy hokimiyat vakillik organlari faoliyatini kuchaytirishga ko‘maklashuvchi komissiyasi tomonidan xalq deputatlari Ishtixon tumani Kengashi deputatlari uchun seminar-trening tashkil etildi.
10 kun davom etadigan o‘rganish natijalari tuman Kengashi deputatlari va faollari ishtirokida muhokama etiladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)