Qo‘rqinchli filmning qo‘rqinchli reklamasi: “Qo‘ng‘iroq” filmi qahramoni do‘kondagi televizordan “jonlanib chiqib keldi” (video)

Paramount Pictures kinokompaniyasi o‘zining YouTube’dagi kanaliga Nyu-Yorkdagi elektronika do‘konlarining birida xaridorlar bilan qilingan hazil videorolikni joyladi, deb xabar beradi TJournal.

Hazil videorolik tez kunlarda namoyish etilishi kutilayotgan “Qo‘ng‘iroqlar” (Rings)nomli qo‘rqinchli filmiga o‘xshatma tarzida ishlangan.

Rolikda do‘konga tashrif buyuruvchilar do‘kon maslahatchisi bilan suhbatlashib turadi. Bu vaqtda televizor ekranidan “Qo‘ng‘iroq” (film 2002-yilda ekran yuzini ko‘rgan) filmi qahramoni bo‘lgan Samara Morgan qiyofasidagi qiz chiqib keladi. U sezdirmasdan odamlarga yaqinlashadi va ularni qo‘rqitadi. Do‘konga televizor xaridi uchun kelgan mijozlar esa “qo‘rqinchli hazil”ning “qurbon”iga aylandi.

Rejissor F. Xavyer Gutyerresning  “Qo‘ng‘iroqlar” qo‘rqinchli filmining butunjahon premyerasi 1-fevralda bo‘lib o‘tadi. Film rejissor Gor Verbinski tomonidan 2002-yilda tasvirga olingan “Qo‘ng‘iroq” filmining davomi sanaladi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.