Amerikaning Amazon kompaniyasi ingliz tilidagi yangi kitoblar uchun 20 ming funt miqdoridagi adabiy mukofotni ta’sis etdi. Kitob mualliflari uni Kindle Direct Publishing platformasida mustaqil chop etishi zarur. Bu haqda The Guardian nashri ma’lum qildi, deb yozadi “Afisha Daily”.
2017-yilning 20-fevralidan 19-mayiga qadar Kindle Direct Publishing’da chop etilgan istalgan janrdagi asar Kindle Storyteller mukofoti uchun nomzodlik qilishi mumkin.
Nomzodlar short listini tuzishda o‘quvchilarning qiziqishlari hisobga olinadi, biroq g‘olib jyuri tomonidan aniqlanadi va iyul oyida Londonda e’lon qilinadi.
Unda g‘olib bo‘lish kompaniyaning marketing ko‘magini ham kafolatlaydi va asarni boshqa tillarga tarjima qilish imkonini beradi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)