O‘zbekiston Badiiy akademiyasi markaziy ko‘rgazmalar zalida Respublika Baynalmilal madaniyat markazining 25 yilligi munosabati bilan “O‘zbekiston – umumiy uyimiz” mavzuida tasviriy, foto va xalq amaliy san’ati asarlari ko‘rgazmasi ochildi, deb xabar beradi O‘zA.
Respublika Baynalmilal madaniyat markazi, O‘zbekiston Badiiy akademiyasi, “Tasviriy oyina” ijodiy uyushmasi, Toshkent Fotosuratlar uyi hamkorligida tashkil etilgan ushbu ko‘rgazmaning ochilishida O‘zbekistonda faoliyat ko‘rsatayotgan milliy madaniyat markazlari, davlat va jamoat tashkilotlari vakillari, yozuvchi va shoirlar, badiiy jamoalar, mahalla faollari, yoshlar ishtirok etdi.
Ko‘rgazmada O‘zbekistonda faoliyat ko‘rsatayotgan milliy madaniyat markazlari faoliyatini aks ettirgan tasviriy san’at asarlari, fotosuratlar qatorida har bir millatning hunarmandligi, liboslari, amaliy san’at namunalari namoyish etilmoqda.
Ko‘rgazma doirasida Qoraqalpog‘iston Respublikasi va viloyatlarda o‘tkazilgan “O‘zbekiston – umumiy uyimiz” VI do‘stlik va madaniyat festivali g‘oliblari taqdirlandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)