Sport tadqiqotlari markazi – CIES Football Observatory dunyoning eng qimmat futbolchilari reytingini tuzib chiqdi, deb xabar bermoqda “Sports.ru”.
Qimmatligi bo‘yicha ikkinchi o‘rinda Lionel Messi bormoqda. Argentinalik futbolchi 170,5 million yevroga baholanmoqda. Kuchli uchlikka qiymati 155,3 million yevroga teng “MYu” yarim himoyachisi Pol Pogba yakun yasadi.
Narxi 126,5 million yevroga baholangan “Real” yetakchisi Krishtianu Ronaldu qimmatligi bo‘yicha reytingda 7-pog‘onadan joy oldi. “Real”ning yana bir yetakchisi Garet Beyl kuchli o‘nlikka kira olmadi.
Dunyoning eng qimmat darvozaboni – Yan Oblak (“Atletiko”, 59,8 million yevro), eng qimmat markaziy himoyachi – Rafael Varan (“Real”, 64 million yevro). 70,3 million yevroga baholangan “Arsenal” a’zosi Ektor Belyerin eng qimmat qanot himoyachisi bo‘ldi.
Dunyoning eng qimmat futbolchilari o‘nligi:
1. Neymar (“Barselona”) – 246,8 million yevro
2. Lionel Messi (“Barselona”) – 170,5
3. Pol Pogba (“Manchester Yunayted”) – 155,3
4. Antuan Grizmann (“Atletiko”) – 150,4
5. Luis Suares (“Barselona”) – 145,2
6. Harri Keyn (“Tottenhem”) – 139,2
7. Krishtianu Ronaldu (“Real”) – 126,5
8. Paulo Dibala (“Yuventus”) – 113,8
9. Dele Alli (“Tottenhem”) – 110,5
10. Eden Azar (“Chelsi”) – 101,5.
Qayd etish joiz, 2016-yili ham Neymar dunyoning eng qimmat futbolchisi bo‘lgandi. O‘shanda uning narxi 250 million yevroga baholangandi. Messi ham avvalgi reytingda 2-o‘rindan (190 million yevro) joy olgandi. Yangi reytingda narxi 150,4 million yevro bo‘lgan “Atletiko” hujumchisi Antuan Grizmann oldingi reytingda kuchli uchlikka yakun yasagandi.Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)