Спорт тадқиқотлари маркази – CIES Football Observatory дунёнинг энг қиммат футболчилари рейтингини тузиб чиқди, деб хабар бермоқда «Sports.ru».
CIES Football Observatory’нинг ҳисоб-китобига кўра, ҳозирги кунда «Барселона» ҳужумчиси Неймар дунёнинг энг қиммат футболчиси ҳисобланади. Унинг нахри 246,8 миллион еврога баҳоланган.
Қимматлиги бўйича иккинчи ўринда Лионель Месси бормоқда. Аргентиналик футболчи 170,5 миллион еврога баҳоланмоқда. Кучли учликка қиймати 155,3 миллион еврога тенг «МЮ» ярим ҳимоячиси Поль Погба якун ясади.
Нархи 126,5 миллион еврога баҳоланган «Реал» етакчиси Криштиану Роналду қимматлиги бўйича рейтингда 7-поғонадан жой олди. «Реал»нинг яна бир етакчиси Гарет Бэйл кучли ўнликка кира олмади.
Дунёнинг энг қиммат дарвозабони – Ян Облак («Атлетико», 59,8 миллион евро), энг қиммат марказий ҳимоячи – Рафаэль Варан («Реал», 64 миллион евро). 70,3 миллион еврога баҳоланган «Арсенал» аъзоси Эктор Бельерин энг қиммат қанот ҳимоячиси бўлди.
Дунёнинг энг қиммат футболчилари ўнлиги:
1. Неймар («Барселона») – 246,8 миллион евро
2. Лионель Месси («Барселона») – 170,5
3. Поль Погба («Манчестер Юнайтед») – 155,3
4. Антуан Гризманн («Атлетико») – 150,4
5. Луис Суарес («Барселона») – 145,2
6. Ҳарри Кейн («Тоттенҳэм») – 139,2
7. Криштиану Роналду («Реал») – 126,5
8. Пауло Дибала («Ювентус») – 113,8
9. Деле Алли («Тоттенҳэм») – 110,5
10. Эден Азар («Челси») – 101,5.
Қайд этиш жоиз, 2016 йили ҳам Неймар дунёнинг энг қиммат футболчиси бўлганди. Ўшанда унинг нархи 250 миллион еврога баҳоланганди. Месси ҳам аввалги рейтингда 2-ўриндан (190 миллион евро) жой олганди. Янги рейтингда нархи 150,4 миллион евро бўлган «Атлетико» ҳужумчиси Антуан Гризманн олдинги рейтингда кучли учликка якун ясаганди.Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)