Chevrolet, BMW, Kia: Detroyt avtosalonida namoyish qilingan 14 yangi avtomobil (fotogalereya)

Motor nashri Detroyt avtosalonida namoyish qilingan 14 yangi avtomobilning suratlarini bir sahifaga jamladi.

Kia Stinger

Stinger – Kia kompaniyasi tarixidagi eng baquvvat model. Mazkur modelning eng yaxshi varianti 3,3 litrli V6 biturbo motori bilan jihozlangan. Stinger’ning eng tezkor varianti 5,1 soniyada soatiga 100 kilometr tezlashadi.

Mercedes-Benz GLA

Krossover kuzovining old qismi o‘zgartirilgan. Mashina faralari chiroqli diodlar bilan jihozlandi.

Subaru STI

Yangilangan sedanning old dzayni o‘zgardi, rulni kuchaytiruvchi moslama qayta sozlandi. STI 205 ot kuchigaa teng 2,5 litrli motor bilan jihozlandi.

Subaru WRX

WRX modelida dvigatellar o‘zgarmadi. Mazkur model 268 ot kuchiga teng ikki litrli motor bilan jihozlandi.

Volkswagen Tiguan Allspace

Detroytda Tiguan’ning yetti o‘rindiqli versiyasi debyut qildi. Mashinaning g‘ildirakli asosi 111 millimetrga kattalashdi. Qolgan xarakteristikalar o‘zgarmadi.

Volkswagen Atlas R-Line

Yetti o‘rindiqli krossover tarkibiga yangi bamper, orqa diffuzor, 20 dyuymli disklar kirgan sport-paket bilan jihozlandi.

Chevrolet Traverse

Toyota Highlander va Honda Pilot’ga raqobatchi bo‘lgan Traverse’ning yangi avlod saloni avvalgisiga nisbatan kengroq bo‘ldi. Uning g‘ildiraklar asosi 3071 millimetrgacha oshdi.

Ford F-150

Yangilangan pikap o‘z tarixida birinchi marta dizelli motor bilan jihozlandi. Mashina 3,0 litrli motor va 10 bosqichli avtomatga ega bo‘ldi. Mazkur modelda xavf haqida ogohlantiradigan tizim, Wi-Fi tarmog‘i va B&O Play audiotizimi bo‘ladi.

Lamborghini Aventador S

Yangi Aventador hajmi 6,5 litrga teng 740 ot kuchiga teng V12 dvigatel bilan jihozlangan. Bunday motor mashinaga 2,9 soniyada soatiga 100 kilometr tezlikni olish imkonini beradi.

Porsche 911 GTS

GTS’ning yangilangan versiyasi olti silindrli hajmi 3,0 litrga teng dvigatel bilan jihozlangan. Avtomobilning eng tezkor varianti 3,6 soniyada 100 kilometrgacha tezlashadi.

GMC Terrain

Ikkinchi avlodga mansub GMC Terrain yangi ko‘rinishga ega bo‘ldi, ammo avvalgisidan kichikroq. Uning g‘ildiraklar asosi 132 millimetrga qisqardi.

BMW 5-Series

Yangi model 100 kilogrammga yengillashdi. BMW 5-Series’ning eng tezkor varianti 462 ot kuchiga teng M550i sakkiz silindrli motor bilan jihozlandi.

Mercedes-Benz E-Class Coupe

E-Class kupesi avvalgi avlod vakillaridan biroz kattaroq bo‘ldi. Mashina aqlli faralar va boshqa zamonaviy tizimlar bilan jihozlandi.

Genesis G80 Sport

Genesis G80 Sport 3,3 litrli 365 ot kuchiga teng 6 silindrli biturbo motori bilan jihozlangan.

Nissan Rogue Sport

Nissan Qashqai krossoveri AQShda Rogue Sport nomi ostida sotiladi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.