Taniqli germaniyalik poygachi, “Formula-1” chempioni Mixael Shumaxerning davolanish uchun sarflagan xarajatlari 14 million funt sterlingga yaqinlashmoqda. Bu haqda, Mirror nashriga tayanib, “TASS” xabar bermoqda.
Nashr ma’lumotlariga ko‘ra, Shumaxerning bir haftalik davolanish kursi 115 ming funt sterlingni tashkil qiladi. Shu tariqa, u uch yil davomida 13,8 million funt sterling sarfladi.
2013-yil dekabrida Shumaxer tog‘-chang‘i trassasida boshidan jiddiy jarohat oldi, buning oqibatida miyasining ikki pallasi ham zarar ko‘rdi. Sobiq poygachi 2014-yil sentabridan buyon Shveysariyadagi dala hovlisida reabilitatsiya kursidan o‘tib kelmoqda.
Izoh (0)