Kanadaning Manitoba provinsiyasida maktab o‘quvchilarini olib ketayotgan avtobusning ag‘darilishi oqibatida 14 kishi shifoxonaga yotqizildi. Bu haqda, CTV telekanaliga tayanib, “TASS” xabar bermoqda.
Politsiya ma’lumotiga ko‘ra, yo‘l-transport hodisasi Metison-Aylend shahri yaqinida sodir bo‘ldi. Ag‘darilgan avtobusning ichida 25 bola va 4 nafar katta yoshli kishi bo‘lgan.
Voqea joyiga tibbiyot vertolyoti va oltita tez yordam mashinasi yetib keldi. 14 nafar odam shifoxonaga yotqizildi. Ularning hayoti xavf ostida emasligi ta’kidlanmoqda.
Avtobusda 12–15 yoshli o‘quvchilar bo‘lgan. Yo‘l-transport hodisasi sabablari o‘rganilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)