Rossiyada shifokorlar xavfli selfi chog‘ida tok urgan maktab o‘quvchisini qutqarib qoldi

Rossiyaning Stariy Oskol shahrida daryo ustidan o‘tgan temir yo‘l ko‘prigida selfi tushishga uringan maktab o‘quvchisi tok urishidan so‘ng omon qoldi. 24-noyabr kuni bola shifoxonadan chiqarildi, deb xabar beradi “Vesti.ru”.

7-noyabr kuni shahardagi maktablardan birining ikki o‘quvchisi Oskol daryosidan o‘tadigan temir yo‘l ko‘prigiga yaqinlashib, u yerda selfi tushishga qaror qildi. O‘quvchilardan biri ko‘prik ustuniga chiqishga urinish chog‘ida simga tegib ketdi va yiqildi. O‘smir 30 foizlik tana kuyishi bilan shifoxonaga yetkazildi.

U 15-noyabrga qadar reanimatsiyada yotdi. Shundan so‘ng bola oddiy palataga o‘tkazildi va endilikda ambulator davolanish kursidan o‘tmoqda.