Fransiyaning Bouygues SA kompaniyasi asfalt o‘rniga maxsus quyosh batareyalari o‘rnatiladigan kelajak yo‘llarini qurmoqchi, deb yozadi “Korrespondent.net”.
Maxsus quyosh batareyalari yuqori darajada mustahkam himoya qoplamiga ega bo‘lib, 18 tonnali yuk mashinasini ko‘tara oladi. Ishlab chiquvchilar hisob-kitobiga ko‘ra, 28 ming kvadrat metr maydonli yo‘l qoplamasi 280 kVt/soat elektr energiyasi bilan ta’minlaydi.
Normandiyada yangi yo‘lning bir kilometrli qismini qurish boshlab yuborildi. Bundan tashqari, Kanadaning Kalgari shahri va Amerikaning Jorjiya shtati ham bunday kelajak yo‘llari buyurtmachisiga aylandi.
Bunday yo‘lning har bir kvadrat metrining dastlabki narxi 2000—2500 yevroga teng, ammo yalpi ishlab chiqarish natijasida u pasayishi mumkin.
Izoh (0)