Gallup Korea o‘tkazgan so‘rovga ko‘ra, Janubiy Koreya prezidenti Pak Kin Xening mashhurlik reytingi shu hafta rekord darajadagi past ko‘rsatkichga tushib qoldi va 4 foizni tashkil qildi, deb yozadi “Vedomosti”.
Mamlakat aholisining aksariyati (93 foizi) davlat rahbari faoliyati natijalaridan norozi ekanligini aytdi.
Prezidentga bo‘lgan ishonch uning yaqin dugonasi Chxve Sun Sil ma’muriyatda hech qanday lavozimni egallamasdan turib, prezident nutqlarini tahrirlab bergani ma’lum bo‘lgach, keskin tushib ketdi. Chxve Sun Silni, shuningdek, o‘z ehtiyojlari uchun yaratilgan notijorat tashkilotiga xayriyalarni o‘tkazganlikda ayblashmoqda.
Pak Kin Xe kelib chiqqan mojarodan so‘ng omma oldida uzr so‘radi va o‘z prezidentligining dastlabki bosqichlarida nutq so‘zlash borasida ba’zan dugonasidan maslahat olganini e’tirof etdi. Ammo prezident iste’foga chiqishdan bosh tortdi.
Izoh (0)