Gallup Korea ўтказган сўровга кўра, Жанубий Корея президенти Пак Кин Хенинг машҳурлик рейтинги шу ҳафта рекорд даражадаги паст кўрсаткичга тушиб қолди ва 4 фоизни ташкил қилди, деб ёзади «Ведомости».
Мамлакат аҳолисининг аксарияти (93 фоизи) давлат раҳбари фаолияти натижаларидан норози эканлигини айтди.
Президентга бўлган ишонч унинг яқин дугонаси Чхве Сун Силь маъмуриятда ҳеч қандай лавозимни эгалламасдан туриб, президент нутқларини таҳрирлаб бергани маълум бўлгач, кескин тушиб кетди. Чхве Сун Силни, шунингдек, ўз эҳтиёжлари учун яратилган нотижорат ташкилотига хайрияларни ўтказганликда айблашмоқда.
Пак Кин Хе келиб чиққан можародан сўнг омма олдида узр сўради ва ўз президентлигининг дастлабки босқичларида нутқ сўзлаш борасида баъзан дугонасидан маслаҳат олганини эътироф этди. Аммо президент истеъфога чиқишдан бош тортди.
Изоҳ (0)