Fransiya janubidagi Ero provinsiyasida joylashgan qariyalar uyiga miltiq va pichoq bilan qurollangan noma’lum erkak bostirib kirgach, politsiya binodan 59 kishini olib chiqdi, deb yozadi “Interfaks”.
Qariyalar uyida Afrika mamlakatlaridagi missiyalarda ishtirok etgan jami 70 ga yaqin pensioner rohiblar yashaydi. Ularning 20 ga yaqini bino ichida qolmoqda.
Kelib tushayotgan ma’lumotlarga ko‘ra, niqob taqqan erkak qariyalar uyiga kirishdan oldin soqchi kampirni pichoqlab o‘ldirgan.
Politsiya va maxsus topshiriqli bo‘linmalar kuchlari bino ichida jinoyatchini qidirish ishlarini olib bordi, ammo bu natija bermadi. Jinoyatchi qochib ketgani taxmin qilinmoqda.
Jinoyatchining hujumdan maqsadi va uning shaxsi noma’lum. Hukumat soqchining o‘ldirilishini terrorchilik harakati emas, “jinoiy xatti-harakat” deb baholamoqda.
Izoh (0)