Futbol bo‘yicha O‘zbekiston Oliy Ligasida 15-o‘rinni egallagan klub 28-noyabr kuni elitadagi joyini saqlab qolish uchun “final” o‘yinida maydonga tushadi, deb yozdi PFL sayti. Bunda uning raqibi mamlakat 1-ligasida 2-o‘rinni qo‘lga kiritgan “Norin” klubi bo‘ladi.
Ma’lumot uchun, Oliy Ligada so‘nggi — 16-o‘rinni qo‘lga kiritgan klub to‘g‘ridan-to‘g‘ri quyi ligaga ravona bo‘ladi. 15-o‘rinni egallagan jamoaning Oliy Ligada jon saqlab qolish uchun qo‘shimcha o‘tish o‘yinida ishtirok etishi ilk bor 2015-yilgi mavsumda kuzatilgan bo‘lib, o‘shanda Jizzaxning “So‘g‘diyona” klubi birinchilikda 2-o‘rinni egallagan “Oqtepa” ustidan 2:1 hisobida zafar quchgandi.
28-noyabr kungi o‘tish o‘yiniga TTYMI stadioni mezbonlik qiladi. Ish kunida bo‘lib o‘tadigan bellashuv 13:00 ga tayin qilingan.
Izoh (0)