“Real” hujumchisi Krishtianu Ronaldu madridliklar bilan shartnomasini 2021-yilgacha uzaytirish rasmiy marosimida Nike ko‘zoynagini taqib kelgani uchun jarimaga tortilishi mumkin, deb xabar bermoqda “Korrespondent.net”.
31 yoshli portugaliyalik futbolchining ko‘zida muammo yo‘q, u ko‘zoynakni zamonaviy aksessuar sifatida taqib olgandi. Krishtianu Nike bilan umrbod shartnoma imzolaganidan keyin AQSh brendini reklama qilishga uringan, ammo shu yo‘l orqali muammoga duch keldi.
Gap shundaki, “Real”ning rasmiy hamkori Nike’ning raqobatchisi – Adidas kompaniyasi hisoblanadi. Klub va Adidas o‘rtasidagi kelishuvga ko‘ra, “Real” futbolchilari rasmiy tadbirlarga boshqa brendlarning mahsulotlarini kiyish borishi taqiqlangan.
Mazkur voqea Ronalduga, katta ehtimol bilan, moliyaviy zarar keltiradi. Ammo uning Nike va “Qirollik klubi”dan yiliga 50 million yevro maosh olishi inobatga olinsa, yo‘qotish katta bo‘lmaydi.
Izoh (0)