O‘zbekiston qishloq va suv xo‘jaligi vazirligi Yagona interaktiv davlat xizmatlari portalida sun’iy suv obyektlarining suvidan maxsus foydalanish yoki suvni maxsus iste’mol qilish uchun ruxsatnoma olishga elektron ariza yuborish bo‘yicha yangi interaktiv xizmatni ishga tushirdi. Tegishli arizani ham yuridik, ham jismoniy shaxslar kiritishi mumkin, deb ma’lum qiladi “Infocom.uz”.
Ushbu xizmatdan foydalanish uchun O‘zbekiston Respublikasi Vazirlar Mahkamasining 2013-yil 14-iyunidagi “Suvdan maxsus foydalanish yoki suvni maxsus iste’mol qilish uchun ruxsatnoma berish tartibi haqidagi nizomni tasdiqlash to‘g‘risida”gi qarorida ko‘rsatilgan hujjatlar ilova qilingan holda ariza topshiriladi. Xizmat bepul ko‘rsatiladi. Xizmat ko‘rsatilishining natijasi ruxsatnoma beriladigan joy va sana haqidagi axborotning taqdim etilishi bo‘ladi.
Ruxsatnoma 20 kunlik muxlat ichida beriladi.
Izoh (0)