Toshkent shahrida 2016-yil 2-noyabr kuni havo harorati +30,5 darajagacha ko‘tarildi. “O‘zgidromet” axborotiga ko‘ra, bu Toshkent tarixidagi eng iliq 2-noyabr kuni bo‘ldi.
Toshkentda bungacha eng iliq 2-noyabr 1998-yili qayd etilgan edi. O‘shanda havo harorati +28,5 darajagacha ko‘tarilgan edi.
2-noyabr kuni havo haroratining yuqoriligi bo‘yicha Samarqandda ham 1998-yilgi rekord (+29,2 daraja) yangilandi — 2016-yil 2-noyabrida shaharda havo harorati +30,9 darajagacha ko‘tarildi.
Surxondaryo viloyati ma’muriy markazida esa 2003-yilgi rekord yangilandi — 13 yil avvalgi 2-noyabrda havo harorati +29,8 darajagacha ko‘tarilgan bo‘lsa, 2016-yilning shu kunida harorat +32,8 darajagacha ko‘tarildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)