Shriftlar bo‘yicha ixtisoslashgan polshalik dizayner Marchin Vixari Ispaniyada tasodifan turli-tuman nodir yozuv mashinkalarining noyob kolleksiyasiga duch keldi. Bu haqda TJournal hikoya qiladi.
Marchin 2012-yilgacha Google’ning foydalanuvchilar interfeysi bo‘yicha yetakchi dizayneri bo‘lgan. Hozirgi paytda esa Medium platformasining dizaynerlik jamoasiga rahbarlik qiladi.
Oktabr oxirida avtomobilda sayohatga chiqqan dizayner do‘stining maslahati bilan Ispaniyaning Figeras shahriga tashrif buyurdi. Dastlab Dali muzeyiga yo‘l olgan dizayner “Texnika muzeyi” degan yozuv tushirilgan yo‘l ko‘rsatkichni uchratgandan so‘ng o‘sha yo‘nalishda harakatlangan.
Dizaynerning so‘zlariga qaraganda, muzeyning birinchi qavatidayoq u juda chiroyli noyob yozuv mashinkasiga duch kelgan.
Muzeyning uchinchi qavatida esa u yozuv mashinkalarining ulkan kolleksiyasiga duch kelgan. Marchinning so‘zlariga qaraganda, u hech qachon bitta xonada shuncha yozuv mashinkasiga duch kelmagan.
U muzeyda XIX asrning qwerty-klaviaturali mashinkasi, shuningdek Britaniyaning Imperial kompaniyasiga tegishli ikki klaviaturali mashinkani ham uchratgan.
Izoh (0)