Ramzan Qodirov Liviyada “Mixail Chebotarev” tankeri ekipaji ozod qilinganini aytdi

Checheniston rahbari Ramzan Qodirov Liviyada 2015-yilda qo‘lga olingan, Rossiyaning “Mixail Chebotarev” tankerida xizmat qilgan uch nafar dengizchi ozod etilganini ma’lum qildi. Bu haqda “Vedomosti” xabar bermoqda.

“Rossiyaning 2015-yil 16-sentabr kuni Liviyada qo‘lga olingan ‘Mixail Chebotarev’ tankeri ekipaji ozodlikda. Kapitan Andrey Krinin, starpom Stanislav Sirotkin va kapitanning ikkinchi yordamchisi Valeriy Savitskiy ozod qilindi”, — deb yozdi u Instagram’dagi sahifasida.

Tanker Liviya bayrog‘i ostidagi kema tomonidan xalqaro suvlarda ushlangan edi. Liviya harbiylari buning sababini tushuntirmagan edi. Ekipajning yetti a’zosi o‘sha kuniyoq qo‘yib yuborilgan, ammo uch nafari mahbuslikda qolgan edi.