Xitoyda bir maktabning 300 o‘quvchisi ovqatdan zaharlandi

Xitoy shimolidagi maktablardan birida 300 nafardan ortiq o‘quvchi ovqatdan zaharlandi, shulardan 74 nafari shifoxonaga yotqizildi. Bu haqda “Sinxua” agentligiga tayanib, “RIA Novosti” xabar bermoqda.

Xabarda qayd etilishicha, hodisa Xebey provinsiyasining Chjendin uyezdidagi boshlang‘ich maktabda sodir bo‘ldi. Zaharlangan bolalar 27 ta sinf o‘quvchilari bo‘lgan. Maktabda jami 35 ta sinf mavjud.

Shifoxonaga yotqizilgan 74 o‘quvchining hayoti xavf ostida emasligi ta’kidlanmoqda.

Mahalliy hukumat rasmiylari bo‘lib o‘tgan voqea yuzasidan surishtiruv ishlarini olib bormoqda.