Pan Gi Mun dunyoda 1 milliardga yaqin aholi o‘ta qashshoqlikda yashayotganini ma’lum qildi

Dunyoning 1 milliardga yaqin aholisi o‘ta qashshoqlik sharotida yashamoqda, ulardan 800 million nafari ochlik va to‘yib ovqatlanmaslikni boshidan o‘tkazmoqda. Bu haqda BMT bosh kotibi Pan Gi Mun ma’lum qildi, deya xabar beradi “TASS”. 

“Qashshoqlik faqat yetarlicha haq olmaslik bilan o‘lchanmaydi. Bu sog‘liqni saqlash, ta’lim va boshqa asosiy xizmatlardan foydalanish imkoniyati cheklangani, shuningdek, ko‘pincha inson huquqlaridan mahrum etilishi va buzilishida ham namoyon bo‘ladi”, — deya ta’kidladi Pan Gi Mun.

Ma’lumot uchun, BMT rahbari o‘tgan yilgi shunday chiqishi chog‘ida Yer yuzida 900 milliondan ortiq kishi qashshoqlikka duch kelganini bildirgandi.