Gaitida “Mettyu” dovulidan so‘ng vabo avj olgani qayd etildi

Gaitida “Mettyu” dovulidan so‘ng sanitariya-epidemiologiya vaziyati keskin yomonlashdi. Bu haqda Rossiya iste’molchilar huquqlari himoyasi va inson farovonligi sohasida nazorat federal xizmati (“Rospotrebnadzor”) ma’lum qildi, deya xabar beradi “TASS”. 

“2016-yili sentabr o‘rtalarigacha Gaitida vabo bilan bog‘liq 28559, haftasiga o‘rtacha 770 holat qayd etilgandi. ‘Mettyu’ dovuli yopirilganidan keyin 14 munitsipal tuzilmada infeksiya tarqalgani haqida ma’lumot olindi. OAVlarga ko‘ra, mamlakatda tabiiy ofatdan so‘ng vabo tufayli halok bo‘lganlar soni 17 kishiga yetdi”, — deyiladi muassasa matbuot xizmati xabarida. 

Hozirda xalqaro tashkilotlar Jahon sog‘liqni saqlash tashkiloti boshchiligida mamlakat aholisiga gumanitar yordam ko‘rsatish ko‘lamini kengaytirmoqda. Xorijiy mutaxassislar oqindi suvlarning ichimlik suvi ta’minoti uchun ishlatiladigan manbalarga tushishi vaziyatni yanada chigallashtirishi mumkinligi haqida ogohlantirmoqda. 

“Daryo” yangiliklarini “Odnoklassniki”da kuzatib boring