Eron Yamandagi dafn marosimiga uyushtirilgan hujum jabrdiydalariga tibbiy yordam ko‘rsatishga tayyorligi bildirildi
Eron Yamandagi dafn marosimiga aviazarba berilishi oqibatida jarohatlanganlarni qabul qilish va tibbiy yordam ko‘rsatishga tayyor. Bu haqda mamlakat parlamenti raisi Ali Larijoniyning yamanlik hamkasbi Yahyo Ali ar-Roiyga yo‘llagan maktubida ma’lum qilindi, deya xabar beradi “TASS”.
“Eron xalqaro Qizil Xoch tashkiloti bilan muvofiqlashtirgan holda yaradorlarni kasalxonalarga yetkazish va tibbiy yordam ko‘rsatish yuzasidan shoshilinch choralar ko‘rishga tayyor”, — deyiladi matni mahalliy axborot agentliklari orqali tarqatilgan maktubda. Larijoniy Sanodagi fojia qurbonlari oilasi va Yaman xalqiga hamdardlik bildirdi.
Oldinroq yuzlab kishilar qurbon bo‘lgan va jarohatlangan dafn marosimiga aviazarbalarni Islom respublikasi tashqi ishlar vazirligi va Oliy milliy xavfsizlik kengashi keskin qoralab chiqqandi. Eron TIV yuz bergan hodisani “aqlbovar qilmas jinoyat” atadi.
