Afg‘onistonning Hilmand viloyatida portlash oqibatida 14 kishi halok bo‘ldi

Afg‘oniston janubidagi Hilmand viloyatida ro‘y bergan portlash oqibatida 14 kishi halok bo‘ldi. Bu haqda, AP’ga asoslanib, “Interfaks” xabar bermoqda.

Portlovchi modda o‘rnatilgan avtomobil viloyat ma’muriy markazi — Lashkargoh shahrida havoga uchirildi.

Halok bo‘lganlarning o‘n nafari politsiya xodimlari, to‘rt nafari esa tinch aholi vakillaridir. Terakt qurbonlarining soni ortishi mumkinligi istisno qilinmayapti.

Yaralanganlar haqida ma’lumot keltirilmayapti.

Hozircha birorta guruh jinoyat uchun javobgarlikni zimmasiga olgani yo‘q.