Putin va Erdo‘g‘on Suriyadagi vaziyatni muhokama etdi

Rossiya prezidenti Vladimir Putin va Turkiya yetakchisi Rajab Toyyib Erdo‘g‘on 5-oktabr, chorshanba kuni telefon orqali muloqot chog‘ida Suriyadagi vaziyatni muhokama etdi. Bu haqda “Interfaks” xabar bermoqda.

“Suriyadagi inqiroz muhokama qilindi. Jahon hamjamiyatining mamlakatda siyosiy jarayonni yo‘lga qo‘yish borasidagi harakatlarini kuchaytirish, vaziyatni keskinlikdan xoli etish uchun sharoit yaratish, gumanitar muammolarni yechimini topish zarurligiga e’tibor qaratildi”, — deya ma’lum qildi Kreml matbuot xizmati.

Muloqot turk tomoni tashabbusi bilan bo‘lib o‘tgani bildirilmoqda.