Janubiy Koreya va AQSh dengiz piyodalari KXDR chegaralariga yaqin hududda mashg‘ulotlar o‘tkazmoqda

Janubiy Koreya va AQSh harbiylari KXDR dengiz chegarasiga yaqin hududda Korea Maritime Exercise Program (KMEP) mashg‘ulotlarini o‘tkazmoqda. Ularda 320 dengiz piyodasi ishtirok etmoqda, deb xabar beradi “TASS”.

Koreya Respublikasi shtab boshliqlari qo‘mitasi axborotiga ko‘ra, mashg‘ulotlarga AQSh tomonidan 200, Janubiy Koreya tomonidan esa 120 dengiz piyodasi jalb qilingan.

“Mashg‘ulotdan ko‘zlangan maqsad — shaxsiy tarkibni KXDR tomonidan bo‘ladigan raketa va yadroviy tahdidni qaytarishga jismoniy va ruhiy tayyorlash”, — deyiladi xabarnomada.

KXDRga yaqin orollar hududida KMEP mashg‘ulotlari 2012-yildan buyon o‘tkazib kelinadi.