Futbol bo‘yicha O‘zbekiston Oliy Ligasida 20-turning qoldirilgan o‘yini 21-sentabr kuni o‘tkazilib, unda “Paxtakor” Toshkentda “Qizilqum”ni qabul qildi.
Bellashuvda kiritilgan yagona gol “paxtakorchilar”ga 3 ochko taqdim etdi. Jaloliddin Masharipovning 5-daqiqada urgan goliga navoiylik futbolchilar javob qaytara olmadi.
Bu g‘alabasidan keyin mamlakatning amaldagi chempioni hisoblangan “Paxtakor” ochkolari sonini 35 taga yetkazib oldi va 7-o‘rinni egallab turibdi. “Paxtakor”dan mag‘lub bo‘lgan “Qizilqum” esa 36 ochko bilan 6-o‘rindan joy olgan.
O‘zbekiston Oliy Ligasi 20-tur uchrashuvi 21-sentabr, chorshanba
“Paxtakor” — “Qizilqum” 1:0
Gol: Jaloliddin Masharipov, 5 (1:0).
Izoh (0)