Robot birinchi marta Oksford universitetida eng murakkab ko‘z operatsiyasini o‘tkazdi, deb yozadi “Hi-tech.mail.ru”. Inson qo‘llari bunchalik yuqori aniqlikka erishish imkonini bermagan bo‘lardi, deyiladi universitet xabarida.
Operatsiya xonasida ishlatilgan robot masofadan turib boshqarildi. Operatsiya chog‘ida ko‘z to‘r pardasidagi juda kichik qismni olib tashlash kerak edi.
Hatto eng tajribali jarroh ham operatsiyani bunday aniqlikda amalga oshira olmagan bo‘lardi. Ko‘z to‘r pardasi yuzasidagi mitti qismchani olib tashlash uchun shifokor nafas olmasligi va o‘z yurak urishini to‘xtatishi kerak bo‘lardi, aks holda qaltirayotgan qo‘ldagi asbob bemorga zarar yetkazib qo‘yishi mumkin bo‘lardi.
Robot bir millimetrning mingdan bir ulushigacha bo‘lgan aniqlikni ta’minlaydi. Mitti teshikcha orqali qurilma bemorning ko‘ziga asbobni kiritdi. To‘r pardani ochish uchun uzatmani mustaqil ishlay oladigan yettita motor boshqardi. Professor Robert Maklaren operatsiyaning borishini maxsus mikroskopda kuzatib, qurilma ishini sensorli ekran va joystik yordamida nazorat qildi.
Operatsiya muvaffaqiyatli kechdi. Bu robot uchun sinovlarning birinchi qismi bo‘ldi, u turli muammoli yana 12 nafar bemorni operatsiya qilishi kerak.
Izoh (0)