JCh—2018. Angliya va Germaniya saralashni g‘alaba bilan boshladi, Qozog‘iston Polsha bilan durang o‘ynadi

Kecha — 4-sentabr kuni Yevropada JCh—2018 saralash bosqichi start oldi va 3 ta guruhda 1-tur bellashuvlariga yakun yasaldi.

Yevro—2016 yarim finalida o‘z yurishiga yakun yasagan Germaniya terma jamoasi Rossiya mundiali uchun yo‘lni g‘alaba bilan boshlab, Norvegiyani safarda taslim qilishga erishdi. Nemislar joy olgan “C” guruhida Ozarbayjon ilk 3 ochkosini qo‘lga kiritgan bo‘lsa, Chexiya o‘z maydonida Shimoliy Irlandiyani mag‘lub eta olmadi.

“E” guruhida ishtirok etayotgan Qozog‘iston terma jamoasi JCh—2018 saralashini 1 ochko bilan boshladi. Astana shahrida Polsha termasini qabul qilgan qozog‘istonlik futbolchilar 2 ta gol farqi bilan ortda bora turib, yakunda hisobni tenglashtirdi. Mazkur guruhda Ruminiya hamda Chernogoriya ochkolarni bo‘lib oldi, Daniya esa Armaniston ustidan kichik hisobda zafar quchdi.

Fransiyadagi Yevropa Chempionatining guruh bosqichida o‘zaro durang o‘ynagan Angliya va Slovakiya termalarining Trnava shahridagi to‘qnashuvida inglizlarning qo‘li baland keldi. Premyer-Liganing sobiq futbolchisi Martin Shkrtel qizil kartochka olgan uchrashuvning 95-daqiqasida Adam Lallana Angliyani ochko yo‘qotishdan qutqarib qoldi.

JCh—2016 UEFA saralashi 4-sentabr, yakshanba

“C” guruhi

San-Marino — Ozarbayjon 0:1

Gol: Ruslan Gurbanov, 45 (0:1).Chetlatish: Kristian Brolli, 52 (S).

Norvegiya — Germaniya 0:3

Gollar: Tomas Myuller, 15 (0:1). Joshua Kimmix, 45 (0:2). Tomas Myuller, 60 (0:3).

Chexiya — Shimoliy Irlandiya 0:0

“E” guruhi

Daniya — Armaniston 1:0

Gol: Kristian Eriksen, 17 (1:0).Noaniq penalti: Kristian Eriksen, 72 (D).

Qozog‘iston — Polsha 2:2

Gollar: Bartosh Kapustka, 9 (0:1). Robert Levandovski, 35-pen (0:2). Sergey Xijnichenko, 51 (1:2). Sergey Xijnichenko, 58 (2:2).

Ruminiya — Chernogoriya 1:1

Gollar: Adrian Popa, 85 (1:0). Stevan Yovetich, 87 (1:1).Noaniq penalti: Nikolaye Stanchu, 90+7 (R).

“F” guruhi

Slovakiya — Angliya 0:1

Gol: Adam Lallana, 90+5 (0:1).Chetlatish: Martin Shkrtel, 57 (S).

Litva — Sloveniya 2:2

Gollar: Fyodor Chernix, 32 (1:0). Vikintas Slivka, 34 (2:0). Rene Krxin, 77 (2:1). Boshtyan Sesar, 90+3 (2:2).

Malta — Shotlandiya 1:5

Gollar: Robert Snodgrass, 10 (0:1). Alfred Effong, 14 (1:1). Kris Martin, 53 (1:2). Robert Snodgrass, 61-pen (1:3). Stiven Fletcher, 78 (1:4). Robert Snodgrass, 84 (1:5).Chetlatishlar: Jonatan Karuana, 59 (M). Lyuk Gembin, 90+1 (M).