O‘zbekiston olimpiya terma jamoasi bugun, 23-avgust kuni Toshkent vaqti bilan 20:00 da XXXI yozgi Olimpiada poytaxti – Rio-de-Janeyro shahridan qaytib keladi.
Mamlakat delegatsiyasini aeroportdan kerakli manzilgacha yetkazish uchun maxsus tayyorgarlik ko‘rilmoqda. Toshkentga buyurtma orqali olib kelingan ikki qavatli Higer avtobuslari olimpiyachilarni kutib olishga shay holatga keltirilmoqda.
“Sports.uz” internet-nashri O‘zbekiston delegatsiyasini kutib olishga hozirlanayotgan avtobuslarning tayyorgarlik jarayonidan fotosuratlarni taqdim qildi.
Avtobuslarning bir tomonida “Biz siz bilan faxrlanamiz”, ikkinchi tomonida “O‘zbekiston kelajagi buyuk davlat” deb yozilgan.
Izoh (0)