O‘zbekistonlik kurashchi Elmurod Tasmurodov Rio—2016 Olimpiadasidagi ikkinchi jangida ham zafar quchib, musobaqaning yarim finaliga yo‘llanma oldi.
Uning chorak finaldagi raqibi shimoliy koreyalik Yun Von Chxol edi. Tasmurodov raqibini 9:0 hisobi bilan mag‘lub etishga muvaffaq bo‘ldi.
Elmurod final ostonasidagi jangni ham o‘z foydasiga hal qilib, O‘zbekiston delegatsiyasiga kumush yoki oltin medallaridan birini naqd qilib berishi mumkin.
U 1/8 finalda serbiyalik Kristiyan Frisni turnirdan chiqarib yuborgandi.
Izoh (0)