O‘zbekiston viloyat markazlari va yirik shaharlari orasida 7-avgust, yakshanba kuni eng salqin havo Samarqand shahrida qayd etildi. “O‘zgidromet” ma’lumotiga ko‘ra (pdf), Samarqand viloyati ma’muriy markazida shu kuni maksimal havo harorati +35 darajagacha ko‘tarilgan.

7-avgust kuni kunduzi Urganch, Navoiy, Jizzax, Andijon, Namangan, Farg‘ona shaharlarida eng yuqori havo harorati +36 darajani, Nukus va Guliston shaharlarida +37 darajani, Buxoro va Toshkent shaharlarida +38 darajani tashkil etgan.

O‘zbekistonning tog‘li hududlarida nisbatan salqin iqlim sharoiti saqlanib qolgan. Qamchiq dovonida havo harorati +23 darajadan, Chimyon yon-bag‘irlarida esa +26 darajadan oshmagan.

Yakshanba kuni O‘zbekiston shaharlari orasida eng yuqori harorat Qarshi va Termizda qayd etildi — shu kuni har ikkala shaharda havo harorati +39 darajagacha ko‘tarilgan.

Qayd etish joiz, Buxoro viloyatining Jongeldi qishlog‘i, Navoiy viloyatining Buzauboy shaharchasida ham havo harorati +39 darajagacha ko‘tarildi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.