Namangan viloyatining Kosonsoy tumanida “Qadrlash” dam olish maskani foydalanishga topshirildi. Kosonsoy soyi sohilida, so‘lim va bahavo go‘shada joylashgan mazkur maskanda keksalar ko‘ngilli hordiq chiqarishi uchun barcha qulaylik yaratilgan, deya xabar beradi O‘zA.

“Nuroniy” jamg‘armasi viloyat bo‘limiga qarashli mazkur dam olish maskani 30 o‘ringa mo‘ljallangan. Qurilish ishlari “Chortoq arxitektura qurilish” mas’uliyati cheklangan jamiyati bunyodkorlari tomonidan amalga oshirildi.

Viloyat san’atkorlari ishtirokidagi konsert ochilish marosimiga bayramona ruh bag‘ishladi. Dam olish maskanini barpo etishda ishtirok etgan quruvchilarga viloyat hokimligi va “Nuroniy” jamg‘armasining esdalik sovg‘alari topshirildi.