Oliy Liga. Toshkent grandlari “Paxtakor” va “Bunyodkor” vodiy jamoalaridan mag‘lub bo‘ldi

Futbol bo‘yicha O‘zbekiston Oliy Ligasida 16-tur bellashuvlari o‘z yakuniga yetdi.

• Oliy Liga. Toshkentning “Obod” klubi 2-davrani g‘alaba bilan boshlab, so‘nggi jamoa tamg‘asidan xolos bo‘ldi

Mamlakatning amaldagi chempioni “Paxtakor” Andijonga tashrif buyurib, “Andijon” klubidan mag‘lub bo‘ldi. Uchrashuvdagi yagona gol avvaliga “Bunyodkor”, keyin esa “Olmaliq” murabbiylar shtabiga ma’qul kelmagan Dilshod Jo‘rayev tomonidan kiritildi.

Toshkentlik yarim himoyachi “Andijon” bilan shartnoma imzolaganidan keyingi ikki bellashuvda ham gol urishga erishdi. U O‘zbekiston Kubogida “Nasaf”, O‘zbekiston chempionatida “Paxtakor” darvozasiga yo‘l topa oldi.

Poytaxtning boshqa bir klubi “Bunyodkor” Farg‘onada “Neftchi”ga mag‘lub bo‘ldi. Sherzod Hakimov va Otabek Isroilov tomonidan kiritilgan gollarga “qaldirg‘ochlar” safidan Eldor Shomurodov bir marta javob qaytardi.

Mavsumda yetakchilik qilayotgan “Lokomotiv” 16-turni o‘z maydonida o‘tkazdi va vodiyning boshqa bir klubi “Navbahor”ga hech qanday imkoniyat qoldirmadi — 5:0. Milliy terma jamoa prinsiplariga to‘g‘ri kelmaydigan Temurxo‘ja Abduxoliqov dublga erishgan bo‘lsa, Artur Gevorkyan, Server Jeparov, Marat Bikmayev kabi futbolchilar 1 tadan gol urdi.

Muxlis to‘plash borasida 2016 yilning eng oldi jamoasi “Buxoro” Olmaliq shahridan g‘alaba bilan qaytdi. Bellashuvdagi yagona gol Bahodir Pardayev hisobiga 22-daqiqada yozildi.

3-avgust kuni “Nasaf” Qashqadaryo derbisida “Sho‘rtan” darvozasiga javobsiz 3 ta gol urdi, Jizzaxda “So‘g‘diyona” va “Metallurg” klublari golsiz durang o‘ynadi. Qarshi klubi safiga yangi qo‘shilgan legioner futbolchilar 1 tadan gol ura oldi.

O‘zbekiston Oliy Ligasi 16-tur bellashuvlari 4-avgust, chorshanba

“Andijon” — “Paxtakor” 1:0

Gol: Dilshod Jo‘rayev, 75-pen (1:0).

“Sho‘rtan” — “Nasaf” 0:3

Gollar: Bobur Abduxoliqov, 25 (0:1). Dragan Cheran, 69 (0:2). Ognen Krasich, 88 (0:3).

“So‘g‘diyona” — “Metallurg” 0:0

“Neftchi” — “Bunyodkor” 2:1

Gollar: Sherzod Hakimov, 1 (1:0). Eldor Shomurodov, 35 (1:1). Otabek Isroilov, 41 (2:1).

“Olmaliq” — “Buxoro” 0:1

Gol: Bahodir Pardayev, 22-pen (0:1).

“Lokomotiv” — “Navbahor” 5:0

Gollar: Artur Gevorkyan, 3 (1:0). Server Jeparov, 4 (2:0). Temurxo‘ja Abduxoliqov, 6 (3:0). Temurxo‘ja Abduxoliqov, 43 (4:0). Marat Bikmayev, 73 (5:0).

Oliy Liga turnir jadvali

“Lokomotiv”	16	41-11	42
“Bunyodkor”	16	30-7	37
“Nasaf”	16	26-13	31
“Metallurg”	16	24-17	29
“Paxtakor”	16	26-17	27
“Buxoro”	16	18-15	26
“Qizilqum”	16	20-18	26
“Neftchi”	16	16-22	24
“Olmaliq”	16	24-27	21
“Mash’al”	16	18-20	19
“Sho‘rtan”	16	27-33	17
“So‘g‘diyona”	16	12-18	17
“Navbahor”	16	21-29	14
“Andijon”	16	14-30	12
“Obod”	16	13-32	11
“Qo‘qon—1912”	16	14-35	9