Iroq bosh murabbiyi: o‘zbekistonlik hakamning hatti-harakatlari menga umuman yoqmadi

Iroq terma jamoasi bosh murabbiyi Radxi Shenaishil O‘zbekiston milliy terma jamoasiga qarshi 24-iyul kuni bo‘lib o‘tadigan o‘rtoqlik o‘yini oldidan o‘z fikrlarini bildirib o‘tdi.

“Ilk o‘yinni O‘zbekiston olimpiya terma jamoasiga qarshi o‘tkazdik. O‘sha uchrashuvni boshqargan hakamning xatti-harakatlari menga umuman yoqmadi. U futbolchimizga qizil kartochka ko‘rsatib, birozdan keyin uni bekor qildi va sarig‘i bilan almashtirdi. O‘rtoqlik o‘yinida bunday qilish yaramaydi”, — deb Iroq termasi murabbiyining so‘zlaridan iqtibos keltirdi “Championat.asia”.

O‘zbekiston olimpiya va Iroq milliy terma jamoalari o‘rtasidagi bellashuvni o‘zbekistonlik hakam Vladislav Seytlin boshqarib borgandi.

“O‘zbekiston milliy terma jamoasiga qarshi o‘yinda g‘alaba qozonishga harakat qilamiz. Bu o‘yin bizga kamchiliklarimizni ko‘rib olish uchun ham muhim. Buning uchun O‘zbekistonga minnatdorchilik bildiramiz”, — deb so‘zini yakunladi Radxi Shenaishil.