Xalqaro paralimpiya qo‘mitasi Butunjahon aksildoping agentligi (WADA)dan Richard Maklaren rahbarligidagi WADA mustaqil komissiyasi ma’ruzasida tilga olingan 35 nafar rossiyalik paralimpiyachilar ism-shariflarini olgach, Rossiya paralimpiya qo‘mitasiga qarshi ish ochdi, deb yozadi “TASS” Xalqaro paralimpiya qo‘mitasiga tayanib.
Ta’kidlanishicha, Rossiya termasining 2016-yilgi Paralimpiya o‘yinlaridagi ishtiroki haqidagi qaror avgust boshida e’lon qilinadi.
“Ma’ruzada Maklaren tomonidan keltirilgan qo‘shimcha ma’lumot Moskva laboratoriyasidan ‘yo‘qolib qolgan 35 ta ijobiy namunalar’ga aloqador paralimpiya sportchilari ism-shariflarini o‘z ichiga oladi. Xalqaro paralimpiya qo‘mitasi, shuningdek, Sochidagi 2014-yilgi Paralimpiadadan 19 ta namunani jo‘natib, zudlik bilan tahlil qilishni so‘radi. Bu Maklarenning ma’ruzasida ular O‘yinlarda doping namunalarni almashtirib qo‘yish tizimining bir qismi sifatida ko‘rsatilgach, sodir bo‘ldi”, — deyiladi muassasa xabarida.
Izoh (0)