Toshkent shahridagi Inha universitetiga hujjatlarni onlayn ravishda topshirish 2016-yil 14-iyul kuni soat 17:00 da yakunlanadi, deya xabar bermoqda universitet matbuot xizmati.
Toshkent shahridagi Inha universitetiga o‘qishga kirishni rejalashtirgan abituriyentlar uch kun ichida onlayn ro‘yxatdan o‘tishi kerak. Abituriyentlar universitetning rasmiy veb-saytidan ro‘yxatdan o‘tishi mumkin.
Eslatib o‘tamiz, Toshkent shahridagi Inha universiteti abituriyentlardan hujjatlarni “Kompyuter va Dasturiy injiniring” hamda “Logistika” yo‘nalishlari bo‘yicha qabul qilmoqda.
2016—2017-o‘quv yilida Toshkent shahridagi Inha universiteti 250 nafar talabani “Kompyuter va Dasturiy injiniring” hamda 80 nafar talabani “Logistika” yo‘nalishiga qabul qilishni rejalashtirmoqda.
Izoh (0)