Тошкент шаҳридаги Инҳа университетига ҳужжатларни онлайн равишда топшириш 2016 йил 14 июль куни соат 17:00 да якунланади, дея хабар бермоқда университет матбуот хизмати.
Тошкент шаҳридаги Инҳа университетига ўқишга киришни режалаштирган абитуриентлар уч кун ичида онлайн рўйхатдан ўтиши керак. Абитуриентлар университетнинг расмий веб-сайтидан рўйхатдан ўтиши мумкин.
Эслатиб ўтамиз, Тошкент шаҳридаги Инҳа университети абитуриентлардан ҳужжатларни «Компьютер ва Дастурий инжиниринг» ҳамда «Логистика» йўналишлари бўйича қабул қилмоқда.
2016—2017-ўқув йилида Тошкент шаҳридаги Инҳа университети 250 нафар талабани «Компьютер ва Дастурий инжиниринг» ҳамда 80 нафар талабани «Логистика» йўналишига қабул қилишни режалаштирмоқда.
Изоҳ (0)