Yevro–2016 turnirining yarim finaliga qadar yetib ketgan Uels terma jamoasi futbolchilari o‘z mamlakatida haqiqiy qahramonlarga aylandi. 100 minglab uelsliklar terma jamoaning qit’a chempionatidagi muvaffaqiyatli ishtirokidan so‘ng ularni kutib olish uchun poytaxt Kardiff ko‘chalariga chiqdi, deb xabar bermoqda ABC News.
Uels terma jamoasi uchun Yevro–2016 omadli o‘tdi. Guruh bosqichida uelsliklar Slovakiyani 2:1, Rossiyani 3:0 hisobida mag‘lubiyatga uchratib, Angliyaga 1:2 hisobida yengilgan edi. Kris Koulmen shogirdlari guruhdan birinchi o‘rin bilan o‘z tarixida ilk bor pley-off bosqichiga chiqdi.
Nimchorak finalda Uels termasi Irlandiyani 1:0 hisobida yenggan bo‘lsa, chorak finalda Belgiya termasi ustidan 3:1 hisobidagi sensatsion g‘alabani qo‘lga kiritdi. Yarim finalda Garet Beyl va uning jamoadoshlari Portugaliya termasiga 0:2 hisobida yengildi.
Izoh (0)