O‘zbekiston Respublikasi Prezidenti Islom Karimov 23-iyun kuni Ko‘ksaroyda Shanxay hamkorlik tashkiloti sammitida ishtirok etish uchun mamlakatga tashrif buyurgan Turkmaniston prezidenti Gurbanguli Berdimuhamedov bilan uchrashuv o‘tkazdi. Bu haqda O‘zA xabar bermoqda.
Islom Karimov Turkmaniston prezidenti bilan suhbatda uning Shanxay hamkorlik tashkiloti Davlat rahbarlari kengashi majlisida faxriy mehmon sifatida ishtirok etishi mamlakatlar o‘rtasidagi o‘zaro ishonch va yaxshi qo‘shnichilikka asoslangan hamkorlikning yana bir ifodasi ekanini qayd etdi. Bu ikki davlat mintaqada va xalqaro miqyosda bir-birining nufuzini oshirish hamda pozitsiyasini mustahkamlashni qo‘llab-quvvatlab kelayotganini namoyon etishini ta’kidladi.
Uchrashuvda o‘zaro savdo-iqtisodiy, madaniy-gumanitar hamkorlikni kengaytirish masalalari muhokama qilindi. Tomonlarni qiziqtirgan mintaqaviy va xalqaro ahamiyatga molik muammolar yuzasidan fikr almashildi.
Turkmaniston prezidenti ShHT sammitiga taklifi uchun Islom Karimovga samimiy minnatdorlik izhor etdi. Turkmaniston O‘zbekiston bilan ko‘p qirrali hamkorlikni yanada rivojlantirishdan manfaatdor ekanini bildirdi.
Izoh (0)