Madridning “Real” jamoasi hujumchisi Krishtianu Ronaldu UEFA versiyasi bo‘yicha Yevropa Chempionlar Ligasi 2015/2016-yilgi mavsumining eng chiroyli goli muallifi deb topildi. Bu haqda, tashkilot rasmiy saytiga tayanib, “TASS” xabar bermoqda.
Futbolchi joriy yilning 17-fevralida turnirning 1/8 finalida Italiyaning “Roma” jamoasi darvozasiga yo‘llagan gol so‘rovda ishtirok etganlarning 36 foizi tomonidan mavsumning eng chiroyli goli deb tan olindi. 2:0 hisobida Qirollik klubi foydasiga tugagan o‘yinning 57-daqiqasida Ronaldu chap qanotda italiyaliklar himoyachisini aldab o‘tib, darvozani ishg‘ol qilgan edi. Bu hujumchining turnir doirasidagi 89-goli bo‘ldi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)