“Real” hujumchisi Krishtianu Ronaldu jamoaning so‘nggi mashg‘ulotida jarohat oldi. Bu haqda Mirror nashri xabar bermoqda.
Mashg‘ulotlar vaqtida portugaliyalik futbolchini uning jamoadoshi Dani Karvaxal turtib yubordi va u darvozabon Kiko Kasilya bilan to‘qnashib ketdi. Ronaldu oyog‘ida og‘riq sezib maydonga yotib oldi. Yordamga yetib kelgan shifokorlarning tavsiyasiga ko‘ra, 31 yoshli hujumchi mashg‘ulotlarni yakuniga yetkazmay maydonni tark etishga majbur bo‘ldi.
Qayd etish joizki, Ronaldu “Real”ning so‘nggi uch mashg‘ulotini oxirigacha yetkaza olmagan. U “Manchester Siti”ga qarshi (0:0) YeChL yarim final dastlabki o‘yinini o‘tkazib yuborgandi.
Eslatib o‘tamiz, “Real” 28-may, shanba kuni Yevropa Chempionlar Ligasi finalida “Atletiko”ga qarshi bahs olib boradi. Mazkur uchrashuv Milan shahridagi “San-Siro” stadionida o‘tkaziladi.
Izoh (0)