Futbol bo‘yicha Italiya chempionligidan tashqari mamlakat kubogi ham Turinning “Yuventus” klubiga nasib qildi.
Hal qiluvchi bellashuvda A seriyani 7-o‘rinda yakunlab, xalqaro maydondan chetda qolgan “Milan”ga qarshi to‘p surgan “Yuventus” Alvaro Morataning 110-daqiqada kiritgan yagona goli evaziga muvaffaqiyat qozondi. Qayd etish kerak, bellashuvning asosiy vaqtida hisob ochilmagandi.
Bu Turin klubining Italiya Kubogida ketma-ket ikkinchi bor zafar quchishidir. Bir yil muqaddam “Yuventus” finalda Rimning “Latsio” klubidan 2:1 hisobida ustun kelgandi.
Italiya Kubogi FINAL 21-may, shanba
Izoh (0)